Siglir tar il cuntegn

Svizra Il principi Cassis-de-Dijon per mangiativas resta

Il Cussegl dals chantuns ha per la segunda giada refusà ina midada, cunquai resta tut sco fin qua.

Mangiativas sin in bindel avant la cassa.
Legenda: Ils adversaris dal principi da Cassis-de-Dijon averteschan da mangiativas qualitativ main bunas. Keystone

Cuntrari al Cussegl naziunal n'è la chombra pitschna gnanc entrada en la midada da la lescha. La segunda decisiun è crudada cun 23 cunter 18 vuschs tar ina abstenziun.

Mangiativas ch'èn lubidas aifer l'Uniun europeica dastgan uschia vinavant vegnir vendidas en Svizra, er sche quellas n'adempleschan betg ils standards svizzers. Quai basegna dentant ina lubientscha da la Confederaziun. Dapi il 2010 ha l’uffizi responsabel dà var 50 lubientschas.

RR Novitads 14:00