Siglir tar il cuntegn
cuntegn

Svizra Il referendum cunter ils detectivs socials è reussì

Cunquai ch'il referendum cunter ils detectivs socials è reussì, ha il suveran svizzer da decider il november davart la surveglianza dals assicurads.

in detectiv en in auto cun egliers da sulegl e camera.
Legenda: Il referendum duai midar la lescha federala davart il dretg dals assicurads. Keystone

Sco quai che la Chanzlia federala communitgescha èn passa 56'000 suttascripziuns dal referendum cunter ils detectivs socials valaivlas.

Uschia che la fatschenta vegn votada a l'urna dal pievel svizzer ils 25 da november 2018. Lantschà il referendum ha ina gruppaziun enturn l'autura Sibylle Berg. Tenor ella è la basa legala per survegliar ils assicurads ina violaziun da la sfera privata dals umans e mettia la populaziun sut suspect general. Il parlament federal aveva deliberà la lescha en la sessiun da primavaira.

RR novitads 15:00