Siglir tar il cuntegn
cuntegn

Svizra Il schef da la cassa da malsauns Visana è mort

Tenor ina communicaziun da la Visana haja ses CEO Urs Roth fatg il glindesdi saira suicidi.

Urs Roth tar ina conferenza da medias l'onn 2013.
Legenda: Urs Roth tar ina conferenza da medias l'onn 2013. Keystone

Sin sia pagina en la rait annunzia la Visana «cun immensa tristezza», che Urs Roth haja sa privà il glindesdi saira da la vita. La cassa da malsauns condolescha als confamigliars. A partir dad immediat vegnia la substituta dad Urs Roth, Valeria Trachsel, a surpigliar il presidi da la direcziun.

Urs Roth (58) lavurava dapi il 1995 per la Visana. Dapi il 2012 era el CEO dal concern d’assicuranzas da sanadad ed accident svizzer, è da leger sin la pagina dal concern en la rait.

Sco Urs Roth uss, han sa privà avant el gia differents top-managers svizzers da la vita – uschia il CEO da la Swisscom Carsten Schloter (49), il schef da finanzas da l'assicuranza Zurich Pierre Wauthier (53), il schef da Ricola Adrian Kohler (53) u il schef da Julius Bär Alex Widmer (52).

RR novitads 14:00