Siglir tar il cuntegn

Svizra Il scriptur Markus Werner è mort

El è mort la dumengia passada en la vegliadetgna da 71 onns. Quai ha communitgà sia chasa editura S. Fischer.

Portrait da Werner en stiva.
Legenda: Markus Werner ha scrit 7 romans che la critica litterara ha lauda fitg. Keystone

Markus Werner ha scrit 7 romans che la critica litterara ha lauda fitg. Ses ultim roman porta il titel «Am Hang» ed è cumpari il 2004. Curt suenter che quel era cumparì aveva l’autur rendì transparent, che quai saja stada sia ultima ovra – ch’el pateschia dad in emfisem dal pulmun.

Werner ha survegni passa ina dunsaina da premis da litteratura. Uschia era il premi Joseph-Breitbach ch’è il premi dotà il pli aut en ils pajais da lingua tudestga. Ses romans èn vegnids translatads en 18 linguas.

Markus Werner era da Schaffusa. Per ses emprim roman «Zündels Abgang» aveva il magister gimnasial da quella giada survegnì l’onn 1984 il premi da litteratura da la fundaziun Jürgen Ponto. L’onn 1990 ha Werner sa fatg independent sco scriptur.

RR novitads 18:00