Siglir tar il cuntegn
Inhalt

Svizra Il squitsch sin Pierin Vincenz crescha adina pli fitg

La procedura encunter el vegn schlargiada sin il Prinicpadi dal Liechtenstein.

pierin vincenz
Legenda: Pierin Vincenz è dapi 45 dis en arrest d'inquisiziun – anc adina senza accusaziun. Keystone

La procedura encunter l'anteriur schef da la banca Raiffeisen Pierin Vincenz vegn pli e pli gronda. Sper advocats e procuraturs publics en Svizra vul la procura publica era investigaziuns en il Principadi dal Liechtenstein. Sco quai che SRF.ch rapporta, ha la procura publica da Turitg fatg la dumonda persuenter. La dumonda saja anc pendenta, ha la procura publica dal Liechtenstein laschà savair.

Ils investigaders renfatschan a Pierin Vincenz d'esser s'enritgì persunalmain tar fatschentas dublas sco schef da la banca e persuna privata.

Pierin Vincenz renviescha tut las renfatschas e punctuescha d'avair fatg nagut illegal.

Vincenz è dapi 45 dis en arrest d'inquisiziun – anc oz senza ch'i dettia in'accusaziun. L'arrest d'inquisiziun è limità sin trais mais, pudess però vegnir prolungà, conferma la procura publica ad SRF.ch.

RR novitads 15:00