Siglir tar il cuntegn

Header

Navigaziun

Taxi dal nez rouge
Legenda: Cun ils taxis dal nez rouge van chauffeurs e chauffeusas voluntarias. Keystone
cuntegn

Svizra Il taxi «Nez rouge» ha gì bler da far durant ils dis da festa

Bunamain 4'000 persunas che n'eran betg pli buns da charrar lur auto han chauffeurs dal «Nez rouge» mess a chasa ils dis da Nadal.

En tut han 3’893 persunas clamà il taxi da «Nez rouge» ils ultims dus dis da Nadal. Ils chauffeurs e las chauffeusas voluntarias van per la persuna che cloma il taxi e mainan quella lura a chasa. Las persunas che fan diever dal taxi èn per il solit memia stanclas per ir sez cun l’auto u ch’ellas han bavì alcohol. En tut èn bunamain 6'400 voluntaris stads en acziun per il «Nez rouge» fin ussa. Els han fatg 75’000 kilometers e quai en diversas regiuns en Svizra. Ils voluntaris han cumenzà la fin november cun lur servetschs e charreschan anc enfin a Bumaun a chasa persunas. La finamira da l'acziun è da sminuir il dumber d'accidents d'auto entras persunas che n'èn betg pli bunas d'ir cun auto.

RR novitads 12:00