Ils pli blers discurs u quitads ch'èn vegnids tematisads èn problems da relaziun e dolurs psichicas. Ils radund 630 collavuraturs e collavuraturas voluntaris han prendì encunter en media mintga di 620 telefons.
Tar 22% dals telefons era il tema in patir psichic, 18% han tractà problems da relaziun. Auters temas ch'èn vegnids discutads èn dischoccupaziun, violenza, mals corporals u era toxicomania.
Sco gia ils onns passads han dapli dunnas che umens fatg diever dal servetsch 143. La cumpart dals umens è tar 29%. La mesadad da las persunas che han telefonà era en la vegliadetgna tranter 41 fin 65 onns.
La secziun da la Svizra orientala ed il Principadi dal Liechtenstein han registrà l'onn passà stgars 13'000 discurs al telefon. Quai è marcantamein dapli ch'ils ultims onns nua ch'il servetsch ha dumbrà tranter 10'000 ed 11'000 telefons.