Siglir tar il cuntegn
cuntegn

Svizra Il teolog Franz Annen è mort

Franz Annen (76) è stà dal 1977 fin il 2010 professer a la Scola auta da teologia a Cuira. En pli è el stà activ en diversas funcziuns teologicas. Quai resorta da sia annunzia da mort sin la pagina da l'Uvestgieu da Cuira.

El en intervista.
Legenda: Il teolog Franz Annen è mort en la vegliadetgna da 76 onns. RTR

A la scol’auta da teologia era Franz Annen professer per l’exegesa dal nov testament e la structura da la bibla. Il burgais dal chantun Sviz era dentant er regens dal seminari da spirituals (1980-1991) e suenter rectur da la scol’auta da teologia (1999-2007).

Annen aveva sustegnì il 2011 ensemen cun passa 300 auters teologs catolics, professers, scienziads e pedagogs da religiun in appel da refurma a la baselgia catolica.

Ils ultims 7 onns è el stà sco represchentant dal chantun Schwyz commember dal chapitel catedral da l’uvestgieu da Cuira.

Cun sia lavur a Cuira haja Annen furmà generaziuns da teologas e da teologs e scrit istorgia en l’uvestgieu da Cuira, vegn el onurà en ina commemoraziun da la baselgia catolica dal chantun Turitg.

RR novitads 12:00