Siglir tar il cuntegn

Header

Navigaziun

2 lavurers sin in bajetg.
Legenda: Cun in modell da furmaziun vul la regenza tessinaisa sustegnair dischoccupads che han ina scolaziun. Keystone
cuntegn

Svizra Il Tessin cumbatta pajas extrem bassas

La regenza dal Tessin vul far frunt al dumping da pajas en il chantun al cunfin cun l'Italia. Las inspecziuns sin la fiera da lavur duain vegnir intensivadas e las pussaivladads da lavur per ils indigens duain vegnir meglieradas.

Il dumping saja cunzunt in problem en la branscha da bajegiar dal Tessin. Pitschens impressaris talians hajan fundà firmas fictivas per smatgar las pajas en il Tessin.

Mesiras cunter pajas extrem bassas

La regenza tessinaisa ha reagì sin numerus cas da pajas extrem bassas dals davos mais. Proximamain saja quai pussaivel d’annunziar cas da dumping via l’internet. Ed era nov è la multa maximala tar in surpassament. Ella munta numnadamain a 30’000 empè a 5’000 francs.

Las mesiras da la regenza duain ir en vigur per immediat, ha ditg il Cusseglier guvernativ Christian Vitta ditg a Bellinzona.

RR novitads 18:00