Tgi che dumonda ina lubientscha da dimora, sto era mussar in extract dal register penal. La regla è per cumenzar limitada, e vala tant per cunfinaris sco era per persunas estras cun dimora permanenta.
Tenor il departament tessinais per dumondas da segirtad è la regla vegnida introducida l'entschatta avrigl. Ella è ina consequenza d'in assagl da rapiment en la vischnanca da Novazzano la fin da mars. Ils delinquents avevan in permiss da dimora per la Svizra, malgrà in lung register da chastis en l’Italia.
RR Novitads 17:00