Ils blers daners èn ids en projects en il chantun Tessin. 889'000 francs ha la fundaziun impundì là. Il segund bler, 350'000 francs, èn ids per projects en il chantun Grischun. La Svizra romanda ha survegnì 40'000 francs, il Vallais 20'000 ed il chantun Berna 8'000 francs. Ultra da quai ha la fundaziun sustegnì lavurs scientificas e publicaziuns.
Projects sustegnids
Tranter auter pertutgan ils projects che la fundaziun ha sustegnì il mantegniment da vias d’alp e da bajetgs istorics. Daners ha ella dentant er investì en la renovaziun da terrassas e chanals d’aua sco er en ulteriuras mesiras per proteger biotops e la biodiversitad.
In project a Santa Maria
In dals projects che la fundaziun ha sustegnì il 2015 sa chatta en la val Calanca, en la vischnanca da Santa Maria. La han ins allontanà las chaglias d'ina spunda da terrassas caracteristica per questa regiun e sanà in mir sitg. Cun questa mesira possian vegnir mantegnids ils prads sitgs prezius ed il maletg da cuntrada survegni ina plivalur.
RR novitads 15:00