Siglir tar il cuntegn
Inhalt

Svizra Il Tribunal federal sustegn il Cussegl central islamic

Per il Tribunal federal è il scumond da far la radunanza general dal Cussegl central islamic l'atun passà a Friburg stada faussa. Radunanzas d'uniuns privatas na dovran da principi betg ina lubientscha.

L'entrada dal Tribunal federal a Losanna.
Legenda: Il Tribunal federal è da l'avis che la segirtad publica n'èra betg periclitada. Keystone

Il Cussegl central islamic era sa dustà cunter la decisiun da la citad da Friburg da scumandar la radunanza generala da l'uniun islamica. Per il Tribunal federal è la radunanza dal Cussegl central islamic, ina radunanza privata, e quella na dovra nagina permissiun. Plinavant saja la segirtad publica mai stada periclitada.

La radunanza era tranter auter vegnida scumandada da la citad da Friburg perquai ch'il Cussegl central islamic n'aveva betg preschentà la glista definitiva dals oraturs.

RR novitads 12:00