Siglir tar il cuntegn
cuntegn

Svizra Il tschains da referenza ipotecar resta tal e qual

Per locataris e locatarias na datti uschia betg la pussaivladad da pretender ina reducziun dal tschains-chasa.

Dus cudesch cun dretg da locaziun e davostiers situaziun da biro.
Legenda: Il tschains da referenza per ipotecas. Keystone

Il tschains da referenza ipotecar per tschains-chasa resta tar 1,5%. Quai communitgescha l'Uffizi federal d'abitaziuns (BWO). Exact avant in onn è il tschains da referenza crudà sin quest livel da record. Locataris na pon uschia betg pretender ina reducziun dal tschains-chasa. Da l'autra vart na dastgan però ils possessurs da las abitaziun er betg auzar ils tschains.

Dapi il 2008 vegn duvrà en Svizra in tschains da referenza unitar per determinar ils tschains da locaziun. Quel po sa midar mintgamai per in quart pertschient. Dapi l'introducziun dal tschains da referenza, n'è quel anc mai s'auzà. 2008 era quel anc tar 3,5%, silsuenter ès el sa sbassà pass per pass. Dapi il zercladur dal 2017 munta quest tschains pia a 1,5%. Ina midada datti pir, cura ch'ils tschains ipotecars sa sbassa en media sin sut 1,38% u s'auza sin sur 1,62%.

RR novitads 09:00