La Federaziun svizra dal turissem pretenda ch'il dumber da cunfinaris e lavurers cun permissiun da dimora curta na vegnia betg limità. Quai en vista a la realisaziun da l’iniziativa cunter l’immigraziun da massa.
La federaziun pretenda excepziuns. Cunfinaris e lavurers cun permissiun da dimora curta na contribueschian betg a l'immigraziun da massa. Il turissem stagiunal dependia da quels lavurers. Radund 40 % da tut ils lavurers en il turissem vegnian da l'exteriur uschia la federaziun.
