Siglir tar il cuntegn

Header

cuntegn

Svizra Il virus «zika» en Brasilia n'è betg in privel per la Svizra

L'Uffizi federal da sanadad publica na vul betg scumandar viadis en lieus pertutgads dal virus «zika».

L'Uffizi da sanadad federal svizzer na vesa betg in privel per la Svizra. La malsogna vegnia surdada d’ina murdida dal mustgin-tigher, ma betg da la medema spezia ch’i dettia en il chantun Tessin. Sco quai ch'in responsabel da l'Uffizi da sanadad ha ditg na saja in'infecziun cun il virus da «zika» da principi betg in gronda chaussa, sulet per dunnas en speranza e lur uffants betg naschids saja il virus problematics. Perquai recumonda l’Uffizi federal da sanadad da duvrar ina buna protecziun cunter mustgins tar viadis en Brasilia ed ulteriurs pajais tropics.

Schuldads brasilians duain far chatscha sin mustgins

La regenza da la Brasilia vul incaricar enfin 220'000 schuldads per cumbatter il virus «zika» che vegn transmess da mustgins. Sco quai ch'il minister da sanadad brasilian ha communitgà, duain ils schuldads ir da chasa tar chasa en ils territoris pertutgads e gidar d'eliminar ils mustgins da moskito. Il mustgin transmetta il virus "zika", però era la fevra da Dengue e la fevra melna.

Sco ulteriura mesira duain 400'000 dunnas en speranza ord relaziuns pli paupras, survegnir meds da protecziun cunter moskitos. Il virus po chaschunar defurmaziuns da la chavazza dals pops. Il tscharvè dals pops na sa sviluppa per il solit betg endretg.

RR novitads 06:00/14:00

Artitgels legids il pli savens