Ils acziunaris da Sika han bloccà ad interim la fusiun

Il concern da chemia da bajegiar svizzer Sika na va il mument betg a l'interpresa franzosa Saint-Gobain. La radunanza generala ha reelegì il president Paul Hälg ed ils ulteriurs commembers dal cussegl d'administraziun d'enfin uss. Quai è ina terrada per la famiglia Burkard ch'è fundatura da Sika.

sala da radunanza, da vart sut da vesair chaus da persunas, davant tiers 4 umens, commembers dal cussegl d'administraziun Bild in Lightbox öffnen.

Legenda da maletgs: Paul Hälg, il president dal cussegl d'administraziun discurra avant ils acziunaris. Keystone

Ils ertavels han vulì elegers novs commembers per far via libra a la vendita en Frantscha. Il cussegl administrativ da l'interpresa Sika aveva dentant restrenschì las vuschs da la famiglia ertanta per las elecziuns. Quai ha ditg il president dal cussegl administrativ Paul Hälg durant la radunanza generala.

La radunanza generala da la Sika è stada bain frequentada. Numerus acziunaris pitschens èn vegnids per esser da la partida tar la gronda dispita, rapportan agenturas da novitads.

Mesiras giuridicas

Il motiv per la dispita tranter ils ertavels dal fundatur da la fatschenta ed il cussegl administrativ è la vendita planisada dal pachet d'aczias als ertavels da Saint-Gobin.

Sco la gruppa dals ertavels ha annunzià, vegnia ella a prender mesiras giuridicas cunter la decisiun da restrenscher las vuschs. La proxima radunanza extraordinaria è ils 24 da fanadur.

RR novitads 20:00