Siglir tar il cuntegn

Svizra Ils blers automobilists pajan memia bler

Il Grischun duai sbassar immediat sias taxas per il traffic sin via. Quai pretenda il survegliader dals pretschs Stefan Meierhans. Il medem vala per otg ulteriurs chantuns.

document dal vehichel.
Legenda: Tscherts uffizis per il traffic sin via pretendan taxas memia autas. Er il Grischun. Keystone

Ils nov uffizis per il traffic dals chantuns Grischun, Genevra, Giura, Tessin, Basilea-Champagna, Vallais, Sviz, Son Gagl ed Appenzell Dadora crodan tenor il survegliader da pretschs cunzunt si. Els dumondian d'ina vart autas taxas. Da l'autra vart sajan il mument ils custs da quests uffizis pli che cuverts. Quai cun resguardar tut las entradas da las taxas, scriva Stefan Meierhans, il survegliader dals pretschs. Tenor el dettia en quests chantuns ina disproporziun evidenta tranter las entradas da taxas ed ils custs effectivs.

En consequenza pretenda il survegliader dals pretschs ch'ils chantuns crititgads reduceschian immediat las taxas per il traffic sin via.
En il Grischun ed en ils auters otg chantuns crititgads èn bunamain in terz da tut ils autos da persunas en Svizra immatriculads.

RR novitads 11:00