Siglir tar il cuntegn
Inhalt

Svizra Ils candidats da la PLD èn sa preschentads a la partida

A Muttenz en il chantun Basilea-Champagna èn ils candidats da la PLD per il Cussegl federal sa preschentads a lur partida.

Legende: Audio Mezdi: Candidats da la PLD per il cussegl federal èn sa preschentads abspielen. Laufzeit 03:00 Minuten.
03:00 min, Actualitad dals 07.11.2018.

La presidenta dal Cussegl dals chantuns songagliaisa, Karin Keller-Sutter, il cusseglier dals chantuns da Sutsilvania, Hans Wicki, ed il president da la regenza dal chantun Schaffusa, Christian Amsler, han dastgà sa preschentar sin la tribuna a Muttenz. Moderà l'occurenza ha la cussegliera naziunala da Basilea-Champagna Daniela Schneeberger (PLD).

Tuts han 54 onns

Tuts trais candidats hajan ditg, ch'els sajan plain forza e pronts per las sfidas ch'in post da Cussegl federal pretendia. Auter che Keller-Sutter ed Amsler n'è Wicki betg entrada en la politica gia en giuvens onns, mabain pir il 2000 cun experientscha da management internaziunala.

Quai è stada l’emprima da trais etappas dad ina turnea da preschentaziun. Ils candidats van era anc a Winterthur (12-11-2018) ed a Yverdon-les-Bains (14-11-2018).

La PLD Svizra decida il venderdi e fa ina recumandaziun a la fracziun. Lezza vegn a nominar uffizialmain, tge candidats ch’ella vul proponer per la successiun da Johann Schneider-Ammann. Las elecziuns dal Cussegl federal èn ils 5 da december. Sper la successiun da Schneider-Ammann (PLD) vegn er decis davart la successiun da Doris Leuthard (PCD).

RR novitads 06:00