Ils catolics da Turitg salvan ils daners

Il fonds da la baselgia catolica da Turitg ch'è pensà per fundar in agen uvestgieu, na vegn betg schlià.

L'uvestg da Cuira Vitus Huonder. Bild in Lightbox öffnen.

Legenda da maletgs: Ils catolics da Turitg salvan ils daners. Keystone

Ils catolics da Turitg na dattan betg si il siemi d'in agen uvestgieu. La sinoda ha refusà in postulat che vuleva schliar il fond che finanziescha la fundaziun da l'uvestgieu da Turitg. Dapi il 1990 ha Turitg pajà en quest fond fin oz radund 1,2 milliuns francs.

L'uvestg da Cuira, Vitus Huonder, ha scrit a Turitg che l'uvestgieu haja in dretg moral sin quests daners. El propona da pajar mintgamai in terz per incumbensas culturalas, socialas e per la furmaziun. Sut cultura crudass er la restauraziun dal chastè episcopal a Cuira.

RR novitads 18:00