Il volumen da glatschers è sa sminuì per 1,5%. Cumpareglià culs ultims onns saja quai stà entaifer la media, dentant ault en quella. Luà il pli ferm èn ils glatschers en ils onns extrems dal 2003, 2006, 20011 e 20015. Suenter las nevadas dal matg e dal zercladur hai guardà ora bain pils glatschers. la naiv saja restada uschè lung sco schon ditg betg pli. La stad tardiva plitost chauda ha lura dentant puspè procurà ch'il glatschers sajan luads pli fitg.
Differenzas regiunalas pulit grondas
Per la stad 2016 hai da differenzas pulit grondas en tuttas regiuns da la Svizra. Ils glatschers en il vest ed en l'Oberland Bernais mussan ina sminuziun da l'auteza dal glatsch da rodund 30 cm.
Patì fitg da la perdita da glatsch hajan ils glatschers en il sid dal Vallais ed en l'Engiadina, uschia scriva l'academia. Patì il pli ferm haja il glatscher Gries cun avair pers en media 2 meters grossezia.
La bilantscha mediara per ils glatschers da la Svizra centrala giascha en l'ost circa en la media dals ultims 10 onns. Las grondas differenzas tranter la vart dal nord e dal sid da las alps sa lascha declarar cun la differenza da naiv che croda durant l'enviern.
RR novitads 15:00