Ils pli blers mortoris dapi 1918

L'onn passà èn s'augmentads marcantamain ils mortoris en Svizra. En total èn 67'300 persunas mortas, quai èn 3'300 dapli ch'il 2014. Sco quai che l'Uffizi federal da statistica communitgescha è quai il pli aut dumber dapi il 1918, l'onn da la grippa spagnola.

In santeri cun blers craps da fossa. Bild in Lightbox öffnen.

Legenda da maletgs: Ils pli blers mortoris en Svizra han nudà ils chantuns Tessin (+12,1%), Valais (+8,8%) e Sviz (+8,3%). Keystone

Il dumber da mortoris en Svizra per il 2015 è stà per 5,2% pli aut che l’onn 2014.

L'onn passà han la grippa e l'unda da chalira chaschunà dapli mortoris tar persunas sur 65 onns. Latiers è il dumber da dunnas (+5,6%) stà pli aut che quel dals umens (+4,7%).

Er la Frantscha, l’Italia, la Germania e la Gronda Britannia han annunzià in augment da mortoris sumegliant. En il Grischun èn mortas l'onn passà 1'730 persunas.

RR novitads 11:00