L'onn passà èn s'augmentads marcantamain ils mortoris en Svizra. En total èn 67'300 persunas mortas, quai èn 3'300 dapli ch'il 2014. Sco quai che l'Uffizi federal da statistica communitgescha è quai il pli aut dumber dapi il 1918, l'onn da la grippa spagnola.
Il dumber da mortoris en Svizra per il 2015 è stà per 5,2% pli aut che l’onn 2014.
L'onn passà han la grippa e l'unda da chalira chaschunà dapli mortoris tar persunas sur 65 onns. Latiers è il dumber da dunnas (+5,6%) stà pli aut che quel dals umens (+4,7%).
Er la Frantscha, l’Italia, la Germania e la Gronda Britannia han annunzià in augment da mortoris sumegliant. En il Grischun èn mortas l'onn passà 1'730 persunas.
