Siglir tar il cuntegn

Header

cuntegn

Svizra Ils pli blers pèrs profitan ord vista fiscala d’ina maridaglia

«Il chasti da maridaglia» - quai che tuna sco ina smanatscha per pèrs tgi lessan maridar, nun es gnanca tant frequent. Bler dapli pèrs profitan d'ina maridaglia quai che pertutga las impostas federalas.

«Regals fiscals empè da chastis fiscals dapli pèrs maridais profitan sin nivel fiscal da lur status maridà» - quai è la letra grossa da la «Neue Zürcher Zeitung» dals 16 da favrer 2016. In connex sche l'iniziativa per la letg e la famiglia vegnia ad avair consequenzas positivas per ils pèrs maridads ha laschà valitar la NZZ da l'administraziun federala per impostas.

Quants pèrs maridads profitan per propi da l’iniziativa

audio
Mezdi: Iniziativa per la lètg e la famiglia - dapli profitan che betg
ord Actualitad dals 16.02.2016.
laschar ir. Durada: 1 minuta 44 Secundas.

L’artitgel mussa che radund 80'000 pèrs maridais pajan dapli impostas federalas causa la maridaglia. Ma da tschella vart datti 370'000 pèrs maridads che profitan il mument d’ina maridaglia e pajan damain impostas federalas .

Quai haja 3 raschuns:

  • pèrs maridads pon far ina deducziun per maridais pro la decleraziun d'impostas
  • pèrs maridads pon far deducziuns per las entradas dal conjugal
  • la tariffa per maridads

La conclusiun 7% dals pèrs maridads è discriminà

Sco la gasetta NZZ concluda èn dals radund 1.1 milliuns pèrs maridads en Svizra cun almain ina persuna che lavura 7% discriminads pro l'imposta federala. 33% dals pèrs maridads profitan però da lur status. E tschels 60% pajan circa medem autas impostas federalas sco pèrs nun-maridads. Sch’ins subsummescha anc ils pèrs maridads pensiunats alura na paja radund in quart dals pèrs maridads naginas impostas federalas, quai causa ad entradas memia bassas.

Artitgels legids il pli savens