Siglir tar il cuntegn

Svizra Ils pretschs bass per portgs smatgan sin las entradas dals purs

L'agricultura svizra noda per la prima giada dapi 2 onns puspè damain entradas. Cumpareglià cun il 2014 èn quellas sa reducidas quest onn per bunamain 11% sin radund 2,9 milliardas francs. Quai mussan las primas stimaziuns da l'Uffizi federal per statistica.

Portgs sin ina pastgira.
Legenda: La valita da producziun da portgs è sa reducida per 17,2%. Keystone

La raschun principala èn ils pretschs dal latg e dals portgs ch'èn crudads ensemen. Il martgà da latg sa chatta en ina crisa internaziunala. La cumbinaziun dal bass nivel da pretsch ed il pavel limità ha influenzà a moda negativa ils exports svizzers en il sectur da latg.

Pli pitschna racolta da planticultura

Las cifras mussan però er che la racolta da la planticultura è sa reducida. Quai surtut pervi da la mancanza da l'aua e las chaliras da la stad passada. Questa racolta è dentant da buna qualitad.

RR novitads 10:00