Siglir tar il cuntegn

Header

cuntegn

Svizra Ils pretschs da consuments creschan levet

En Svizra èn ils pretschs da consuments creschids levet il zercladur per 0,1% envers il matg. Cumpareglià cun il medem temp da l'onn passà èn ils pretschs però sa reducids per 0,4%. Quai resulta da las novas cifras da l'Uffizi federal per statistica.

Suenter il mais mars (+0,3%) e matg (+0,1%) èn ils pretschs s'augmentads per la terza giada quest onn. L'index dals pretschs da consuments ha cuntanschì il zercladur il stan da 100,7 puncts. Il december 2015 è l'index vegnì fixà sin 100 puncts.

Vegnì pli char il zercladur è surtut la fritga e la verdura sco er products d'ieli e viadis pauschals. Pli bunmartgà èn perencunter vegnids ils artitgels en il sectur da vestgadira ed en il traffic aviatic.

RR novitads 10:00

Artitgels legids il pli savens