Siglir tar il cuntegn

Header

cuntegn

Svizra Ils purs pitschens sa dostan

Ils purs pitschens ed ils protecturs d'animals na van betg d'accord cun ils plans dal Cussegl federal da promover pli fitg il commerzi liber.

Empè d'avrir ils cunfins tar l'agricultura, duai il Cussegl federal sustegnair pli fitg ils bains purils che miran per l'ambient ed il bainstar dals animals. Gia uss saja la situaziun alarmanta areguard la politica agrara actuala ed il martgà che fetschia squitsch sin ils pretschs. Er sche nus consumeschian adina dapli, spareschian mintga di trais bains purils en Svizra. Quai han exponents dals purs pitschens e da la protecziun d'animals declerà oz a Berna.

Las stallas vegnian adina pli grondas ed ils animals chatschads a dapli prestaziun. Ils plans dal Cussegl federal da betg pli proteger uschè ferm l'agricultura svizra e d'avrir quella al commerzi liber, accelereschia anc questa tendenza.

Cun la nova politica agrara vul il Cussegl federal crear anc meglras premissas per l'economia svizra per pudair exportar anc dapli. La nova politica vegn probablamain ad ir en consultaziun la fin da quest onn.

RR novitads 12:00

Artitgels legids il pli savens