Siglir tar il cuntegn
Inhalt

Svizra Ils purs sa dostan cunter la politica agrara

Il Cussegl federal duai surlavurar la politica agrara futura e preschentar ina nova basa da discussiun.

In pur sin in prà da legums.
Legenda: L'allianza per ina agricultura persistenta sa dosta cunter la politica dal Cussegl federal. Keystone

L'allianza per ina agricultura persistenta pretenda ch'il cussegl federal surlavuria sias propostas per ina politica agrara futura. A questa allianza appartegnan tranter auter l'uniun purila svizra, ils producents da legums svizzers e la protecziun d'animals svizra. Il Cussegl federal propona en sia vista generala per la politica agrara davent dal 2022 da disfar la protecziun da duana e stgaffir martgads pli averts per products agriculs. Cun quai ha il cussegl federal sveglià reacziuns grittas tar il purs.

Da principi sa mussa l'allianza pronta per il discurs. Ella pretenda dentant ch'il Cussegl federal surlavuria la vista generala en plirs puncts. Las propostas dal directur da l'Uniun purila svizra, Jacques Bourgeois, cumpiglian tranter auter cundiziuns da basa raschunaivlas per ils purs ed in'indemnisaziun per prestaziuns envers la publicitad – sco per exempel per la tgira da la cuntrada.

RR novitads 18:00