Il Cussegl federal na conceda betg a la minoritad dals Roma il status sco minoritad naziunala el senn da la convenziun dal cussegl d’Europa. Cun la decisiun vegnan gist duas dumondas d’organisaziuns refusadas. Tranter auter è in argument dal Cussegl federal ch’ils Roma n’hajan betg ina relaziun pli lunga cun la Svizra, tuttina sajan els ina part da nossa societad e stoppian era vegnir protegids da rassissem e discriminaziun. La societad per pievels en privel crititgescha la decisiun dal cussegl federal. I na saja betg gist ch’ils Sinti vegnian renconuschids, ils Roma alura betg, scriva la societad.
RR novitads 17:00