Siglir tar il cuntegn

Header

La producziun da servelas: ina curuna cun servelas frestgas ed in'autra cun fimentadas.
Legenda: La servela è fitg populara tar ils Svizzers e las Svizras. Keystone
cuntegn

Svizra Ils Svizzers cumpran bleras servelas

La servela è fitg populara tar ils Svizzers e las Svizras. Mintg’onn vegnan vendidas 100 milliuns servelas, quai correspunda ad ina paisa da 100’000 tonnas.

Las Svizras ed ils Svizzers cumpran mintg’onn 100 milliuns servelas. Quai correspunda ad ina paisa da 10'000 tonnas. Quai scriva l’Uffizi federal d’agricultura en in rapport. Chasadas sin la champagna cumprian en media 42 servelas ad onn, en las citads 35 tocs. La servela saja cunzunt populara tar persunas tranter 50 e 64 onns. Plinavant saja ella pli populara en la Svizra tudestga ch’en la Svizra franzosa.

La liongia curta che custa en media radund in franc, porta al commerzi en detagl svizzer svieutas da pli che 100 milliuns francs. Pertutgant la svieuta cuntanscha la servela suenter schambun, liongia da brassar, schambun criv, charnpiertg e salami las pli autas cifras. Areguard la quantitad vegnan tar ils products da charn sulet schambun e liongias da brassar vendì dapli che servelas.

RR novitads 16:00

Artitgels legids il pli savens

Scrollar a sanestra Scrollar a dretga