Sin ina stgala da 0 enfin 10 puncts valiteschan las Svizras ed ils Svizzers lur cuntentientscha cun 8 puncts. Dals ulteriurs pajais ch'èn sa participads a la retschertga vegnan sulettamain il Danemarc, la Finlanda e la Svezia sin ina valur tuttina auta. En l’UE giascha la media tar 7,1 puncts. Ils pli malcuntents èn ils Bulgars cun 4,8 puncts.
Generalmain pli auta è la cuntentientscha tar ils pli giuvens Europeans. Ella sa reducescha tendenzialmain cun l’augment da vegliadetgna. Auter èsi en Svizra, nua che persunas davent da 65 onns han mussà la pli gronda cuntentientscha cun 8,4 puncts.
RR novitads 11:00