Svizra - Ils Svizzers guardan adina pli pauc televisiun
Svizras e Svizzers guardan en media passa duas uras a di televisiun, taidlan in'ura e mesa radio e legian stgars ina mes'ura gasettas, cudeschs u revistas. Quai resulta da la pli nova statistica dal diever da medias da la Confederaziun.
Guardar televisiun sa reducescha cuntinuadamain en l'entir pajais tar ils giuvens tranter 15 fin 29 onns. En Svizra franzosa è lur consum sa reducì sin sut in'ura. Persunas sur 60 onns passentan percunter adina dapli temp avant la televisiun, il pli ditg en la Svizra taliana cun passa quatter uras a di.
