Ils Tigers han stgarps

L'armada svizra ha constatà stgarps tar 16 dals 36 aviuns da cumbat dal tip F-5 Tiger.

Aviuns da cumbat Tiger F-5. Bild in Lightbox öffnen.

Legenda da maletgs: Er per la Patrouille Suisse han ils stgarps en ils Tiger F-5 consequenzas. Keystone

Tenor il Departament federal da defensiun vegnia l’armada a sgular en l’avegnir mo pli cun 26 dals aviuns. 6 aviuns cun stgarps vegnan reparads; da 10 desista l'armada per raschuns da custs.

Quai ha tranter auter per consequenza che la Patrouille Suisse na po betg sa preschentar adina cun 6 aviuns en las colurs tipicas cotschen-alv.

Las controllas èn vegnidas fatgas suenter ch’ins aveva constatà l’onn passà stgarps davos il cockpit d’in Tiger F-5. Il schaner da quest onn han ins chattà in stgarp pli grond tar in segund aviun. Quel è vegnì giuditgà sco gravant.

RR novitads 17.00