Plinavant è Jürg Grossen s’exprimì per ina politica cun in orizont pli lung, e sur ils cunfins dals champs politics. En vista a tut las crisas globalas dovria moviment ed innovaziun, ha el ditg a las delegadas ed ils delegads.
Ina cumissiun per il debachel da la CS
Ils Verdliberals pertendan en vista als embrugls cun la Credit Suisse ina cumissiun parlamentara d’inquisiziun, ed in’economia che surpiglia responsabladad. Gia la PS ed ils Verds vulan ina tala cumissiun, e la PPS è medemamain averta per in tal pass.
Lura han ils Verdliberals era decidì las parolas per las votaziuns dals 18 da zercladur. In Gea unanim hai dà per la lescha davart la protecziun dal clima. Dus ulteriurs Geas han ils delegads e las delegadas decidì per la taglia minimala globala, e per la lescha da Covid-19.
