Siglir tar il cuntegn

Header

cuntegn

Svizra Ils Verds cumbattan cumpra d'aviuns militars

La partida verda svizra è pronta da far in referendum cunter la cumpra da novs aviuns militars. Quai uschespert che ch'il parlament ha decidì en chaussa. Quai ha la partida decis a chaschun da lur radunanza a Winterthur.

A lur radunanza da la sonda a Winterthur èn ils delegads suandads unanimamain a la proposta da la direcziun generala: La partida ha decidì da cumbatter la cumpra d'aviuns militars ensemen cun la Gruppa Svizra senza armada (GSoA) ed auters acturs. La partida argumentescha cun raschuns da pasch, democrazia ed ord vista da la politica da finanzas.

Cumbat cunter concurrenza da taglia malsanadaivla

Plinavant ha la partida decis da cumbatter cunter ina concurrenza da taglia malsanadaivla. A la radunanza ha la partida decis trais puncts per il project da taglia 17. Sco emprim duai il principi da taglia s'orientar a las prestaziuns economicas. Secundo pretendan ils Verds da s'engaschar pli fitg cunter fraud fiscal. En terza lingia veglian ils Verds s'engaschar che la taglia saja era eguala en il temp d'economia digitala.

«Na» a No Billag – «gie» a nov urden da finanzas

Las parolas per las votaziuns dals 4 da mars 2018 ha la partida Verda gia decidì pli baud. Ils Verds dian «na» a No Billag e «gea» al nov urden da finanzas.

RR novitads 16:00

Artitgels legids il pli savens