Image da bancas - Svizzers valiteschan meglier las bancas
La reputaziun da las bancas svizras tar Svizzers e Svizras è sa meglierada ferm. Quai mussa in studi da l'Associaziun svizra da banchiers. Ina tenuta uschè positiva aveva la populaziun la davosa giada avant la crisa da finanzas dal 2008.
La mesadad dals Svizzers e da las Svizras vesan lur tenuta vers la banca sco positiva, 7% perfin sco fitg positiva. Quai che pertutga la sort da banca che vegn preferida èn las bancas regiunalas davanttiers, cun 95%. Pauc davos èn las bancas chantunalas. 90% dals dumandads han ina tenuta positiva envers quellas.
Las bancas grondas sco la UBS e la CS han survegnì ina bler meglra reputaziun. Ils 87% muntan in sigl da 10% cumpareglià cun avant dus onns.
Retschertga da gfs.berna
Avrir la boxSerrar la box
Per il studi ha gfs.berna dumandà 1'000 persunas en l'entira Svizra. La quota da sbagl giascha tar maximal +/- 3%.