Per malchapientscha ha dentant chaschunà la tenuta da la Svizra en connex cun la guerra en l’Ucraina. Saja quai la refusa da laschar dar vinavant muniziun da panzers u las sancziuns cunter l’agressur Russia. En consequenza è la neutralitad da la Svizra vegnida pli preschenta en ils chaus da la populaziun da l'ester. Tendenzialmain è quella vegnida valitada a moda pli critica.
Per gronda part dominescha dentant il maletg positiv e stabil da la Svizra. Tipic per il maletg da la Svizra da la populaziun a l’ester saja surtut sia cuntrada, products tradiziunals sco tschigulatta, chaschiel ed uras. Ma er la plazza da finanzas ed in’economia ferma e stabila. Ultra da quai er la bainstanza ed in’auta qualitad da viver.