Svizra - Immensa fulla da glieud per aua da baiver a Le Locle
La citad Le Locle en il chantun Neuchâtel ha cumenzà a distribuir aua da baiver gratuita a la populaziun. Quai suenter ch'igl è vegnì enconuschent che l'aua da spina saja contaminada.
La fulla da glieud saja stada immensa, ha la citad fatg a savair. Perquai ch'ils blers sajan vegnids cun l'auto sajan las vias en la vischinanza stadas bloccadas.
Ils ultims dis era l'aua da baiver en la regiun da Le Locle vegnida contaminada cun bacterias da coli. Radund milli persunas eran silsuenter vegnidas malsaunas.
