Siglir tar il cuntegn
Inhalt

Svizra Immigraziun: Bilantscha positiva

La Confederaziun tira ina bilantscha positiva tar la libra circulaziun da persunas cun l'Uniun europeica.

Um che lava tagliers.
Legenda: Tenor cifras actualas gudognan cunfinaris pli pauc ch'indigens. Keystone

Il grond dumber da persunas che sajan immigradas l'onn passà da pajais da l'UE e da l'Associaziun europeica da commerci liber (EFTA) n'haja strusch gì consequenzas negativas sin las pajas e la dischoccupaziun.

Quai mussa in'analisa da la cunvegna davart la libra circulaziun tranter la Svizra e l'UE ch'il SECO, il Secretariat da stadi per l'economia ha preschentà.

L'onn passà èn 47’800 persunas immigradas dals pajais da l'UE e da l'EFTA en Svizra. Quai è in minus da 23% cumpareglià cun l'onn 2014. Dentant saja impurtant da restar attent che l'immigraziun na concurrenzeschia era en l'avegnir betg il potenzial da forzas da lavur avant maun. En las regiuns da cunfin el Tessin ed en la Svizra franzosa èsi sa mussà che pendularis gudognan damain ch'indigens.

RR novitads 11:00