Siglir tar il cuntegn

Header

cuntegn

Immobiglias Pretschs s'augmentan probabel vinavant

En Svizra s’augmentan ils pretschs d’immobiglias probabel vinavant. I na saja betg da quintar cun ina detensiun il proxim temp. Da quest avis è Heinz Huber, il schef da la gruppa da bancas Raiffeisen, en l’intervista cun la NZZ am Sonntag.

Terren stgars e dumonda gronda

Dapi l’onn 2000 sajan ils pretschs per chasas sa dublegiads. Pervi dal terren stgars e la gronda dumonda sajan er ils pretschs da locaziun s’augmentads ferm en ils centers. La pandemia da corona haja anc rinforzà il svilup. Uschè ditg che l'offerta saja stgarsa e la dumonda gronda saja quai inevitabel ch'ils pretschs s'augmentian anc dapli. La dumonda vegnia generada da persunas che veglian far diever sez da lur abitaziun e betg tras speculaziun. La tresorisaziun da terren da bajegiar na dettia quai oz practic betg pli.

Ord l'archiv

video
Immobiglias en Engiadina èn tschertgadas
Or da Telesguard dals 13.05.2021.
abspielen. Laufzeit 4 minutas 23 Sekunden.

RTR novitads 09:00

Artitgels legids il pli savens

Scrollar a sanestra Scrollar a dretga