Siglir tar il cuntegn

Svizra Implenia - optimistic malgrà damain gudogn

Il pli grond concern da construcziun svizzer Implenia ha gudagnà damain l'onn passà. Cumpareglià cun l’onn passà è il gudogn net sa reducir per 12% sin 73 milliuns francs

Dus lavurers dal concern Implenia.
Legenda: Tant la svieuta sco er il gudogn dal concern Implenia èn sa reducids. Keystone

Per l'onn current è l'interpresa dentant optimistica, era sche la malsegirtad sin il martgà s'augmenta. Sco quai che Implenia communitgescha quintian ins che l'economia da construcziun svizra tegnia l'aut nivel. Cun in augment saja surtut da quintar tar la construcziun d'abitaziuns e las investiziuns en l'infrastructura dal maun public.

4,5% damain svieuta

La svieuta dal concern è sa reducida per 4,5% sin 2,92 milliardas francs. Sulet en la sparta da construcziun en Svizra muntia la reducziun a 3%.

RR novitads 08:00