Siglir tar il cuntegn

Svizra Implenia po bajegiar per las Naziuns Unidas

L’interpresa da construcziun Implenia po construir il bajetg nov da las Naziuns Unidas a Genevra. Il volumen da construcziun munta a radund 100 milliuns francs.

Plazzal cun logo.
Legenda: Incumbensa gronda per Implenia. Keystone

Il nov bajetg d'administraziun da las Naziuns Unidas a Genevra (ONU) vegn a star sin il sulom da radund 25'000 meters quadrats. El duai esser a fin il november 2019, scriva l’Implenia.

Centralisar l'administraziun cun 1400 persunas …

La finamira dal bajetg nov è che tut ils collavuraturs da l’ONU a Genevra vegnan sut in tetg. Quai munta ch'i dovra plaz per radund 1400 persunas. Ensemen cun il biro d'integraziun d'esters dal chantun Genevra vul l'Implenia crear opziuns per occupar fugitivs sin il plazzal.

… e transferir savida dal bajegiar persistent

Era vegn l’entira construcziun documentada communablamain cun l’institut da la scola auta a Genevra per pudair la finala promover metodas da construcziun persistentas. Quai per pussibilitar a l'ONU da transferir savida e cumpetenzas davart tecnicas e metodas persistentas da bajegiar.

RR novitads 09:00