Svizra Impressaris svizzers vulan prolungar contract da lavur collectiv

L'uniun dals impressaris svizzers offrescha als sindicats da prolungar il contract da lavur collectiv naziunal er suenter la fin dal 2015.

Quai ha ses president Gian-Luca Lardi ditg oz al di da l'economia da construcziun a Friburg.

El ha punctuà ch'ils impressaris s'engaschian cun tutta forza per ch'il contract cun sias top-cundiziuns da lavur valia er il 2016.

Ch'ils impressaris na veglian per l'auter onn nagin contract da lavur collectiv pli saja ina blutta manzegna dal sindicat Unia.

RR novitads 18:00

sda/fa

Header