RTR: La catastrofa è capitada avant dus dis, co è l'atmosfera a Crans-Montana? Hai actualmain blera glieud?
I dependa in zic nua ch'ins è en il vitg. En tscherts lieus èsi «courant normal», il turissem che va vinavant, ustarias avertas, persunas che cuntinueschas las vacanzas, malgrà che la catastrofa va datiers a blers. In turist canadais ha per exempel ditg ch'el saja stà qua scolast da skis, enconuschia la bar, ma el veglia uss tuttina empruvar da giudair las vacanzas. En la vischinanza da la bar hai bleras flurs e chandailas, quai fa schon impressiun d'esser al lieu.
La finamira da voss team è er da far intervistas cun persunas al lieu – gartegia quai u è la glieud stancla da discurrer dals schabetgs?
Igl ha ina fulla medias, schurnalistas e schurnalists da tut il mund, cameras en tuttas direcziuns. La correspundenta dal Vallais ha ditg ch'ella percorschia in zic che la glieud na possia betg pli dar pled e fatg davart la catastrofa u lur istorgia en connex cun la notg da l'incendi. Nus avain empruvà dad ir per nossa emissiun tar persunas che n'èn betg directamain involvidas, mabain plitost persunas ch'enconuschan bain Crans-Montana e vivan gia ditg qua. Enfin uss è quai gartegià bain da far las intervistas.
-
Bild 1 von 21. La dumengia hai dà in marsch da commemoraziun per las unfrendas – er ils pumpiers èn stads da la partida. Bildquelle: Keystone.
-
Bild 2 von 21. La mar da chandailas e flurs prenda tiers di per di. Bildquelle: Keystone.
-
Bild 3 von 21. Bildquelle: Keystone.
-
Bild 4 von 21. Bildquelle: Keystone.
-
Bild 5 von 21. La sonda hai dà ina messa da commemoraziun a Lutry (VD). Da questa vischnanca datiers da Losanna eran pliras unfrendas. Bildquelle: Keystone.
-
Bild 6 von 21. Bildquelle: Keystone.
-
Bild 7 von 21. Cusseglier federal Beat Jans ha fatg visita la sonda a Crans-Montana. Bildquelle: Keystone.
-
Bild 8 von 21. Bildquelle: Keystone.
-
Bild 9 von 21. Gronda contristezza amez Crans-Montana. Bildquelle: Keystone.
-
Bild 10 von 21. Bildquelle: Keystone.
-
Bild 11 von 21. Il primminister per affars exteriurs da l'Italia è arriva il di suenter la tragedi a Crans-Montana. Tranter las unfrendas tutgan burgaisas e burgais talians. Bildquelle: Keystone.
-
Bild 12 von 21. Blers spezialists da la forensica èn en acziun. Bildquelle: REUTERS/Denis Balibouse.
-
Bild 13 von 21. Bildquelle: KEYSTONE/Jean-Christophe Bott.
-
Bild 14 von 21. Emprims mussaments da condolientscha. Bildquelle: SRF/Anna-Lisa Achtermann.
-
Bild 15 von 21. In sguard en la bar «Le Constellation». La fotografia ha la polizia chantunala dal Vallais publitgà. Bildquelle: Keystone/Kantonspolizei Wallis.
-
Bild 16 von 21. Il lieu da l'incendi è cuvert, il di suenter. Bildquelle: Keystone/AP/Jean-Christophe Bott.
-
Bild 17 von 21. Bildquelle: Keystone/Alessandro della Valle.
-
Bild 18 von 21. Las autoritads vallesanas han infurmà la gievgia avantmezdi davart il stan actual. Bildquelle: Keystone/Alessandro della Valle.
-
Bild 19 von 21. Il fieu è rut ora a las 01:30, en la bar «La Constellation». Bildquelle: RTS.
-
Bild 20 von 21. Las forzas da salvament han gì en acziun 10 helicopters, 40 ambulanzas e radund 150 sanitaris e sanitarias. Bildquelle: RTS.
-
Bild 21 von 21. Bildquelle: X/Osint World.
Co èsi per tai persunalmain d'esser al lieu da la catastrofa?
Igl è in zic surreal sch'ins stat qua davant questa bar. Quai ch'ins po forsa era dir è che la tristezza ch'ins ha vis en la televisiun n'è uss betg pli uschè preschenta. Jau pens che bleras famiglias pertutgadas n'èn betg pli a Crans-Montana mabain en l'ospital nua che la persuna blessada è ospitalisada. Perquai n'è la tristezza betg pli uschè palpabla e perquai ch'ina vita uschè da dir «normala» è puspè turnada in tant en il vitg.