Il commerzi cun l'exteriur svizzer sa sviluppescha vinavant a moda dinamica. L'october èn ils exports s'augmentads sin 19 milliardas francs, in plus da 5% cumpareglià cun l'october 2016. Il creschament stagnescha dentant. Cumpareglià cun il settember èn ils exports sa reducids per 2%. Quai communitgescha l'administraziun da duana federala.
Il creschament d'exports sa basa sin bunamain tuttas spartas. Sulet ils products chemic-farmazeutics mussan ina reducziun. Ils imports muntan a 17,1 milliardas uschia ch'i resulta sut il stritg in surpli commerzial da 2,4 milliardas francs.
RR novitads 09:00