Siglir tar il cuntegn

Header

video
Na ad iniziativa per ina taglia d’energia e reacziun da Josias Gasser
Or da Telesguard dals 08.03.2015.
laschar ir. Durada: 1 minuta 12 Secundas.
cuntegn

Svizra In cler na ad ina taglia sin energia

Pitra terrada per ils Verd-liberals cun lur iniziativa per ina taglia sin energia. 92% da las votantas e dals votants han ditg na a l’iniziativa e be 8% han ditg gea.

Resultat istoric

Il politolog Claude Longchamp ha discurrì d'in resultat istoric. Per ina cumpart da gea ch'è pli bassa che 8% stoppian ins ir enavos quasi 100 onns.

Resultats dals districts grischuns da la taglia sin energia.
Legenda: 93,1% dal suveran grischun di na ad ina taglia sin energia. RTR

Resultat dal Grischun

Las votantas ed ils votants dal Grischun din era cleramain na ad ina taglia sin energia. Na din 46’549 da las vuschs (93,1%) e 3’473 din gea.

«Gronda dischilussiun»

Tenor la scheffa da fracziun dals Verd-liberals Tiana Angelina Moser saja il na a l’iniziativa per ina taglia sin energia ina gronda dischillusiun. Che questa schleppa possia influenzar ils resultats da las elecziuns federalas na crai ella dentant betg. Il cler na a quest project, na saja betg in na a la partida, ha la scheffa da fracziun ditg sin dumonda da l’agentura da novitads sda.

Tge che l’iniziativa ha previs

L'iniziativa dal pievel «Taglia sin l’energia empè da la taglia sin la plivalur» vul introducir ina taglia sin purtaders d’energia betg regenerabels sco ieli mineral, gas, charvun u uran. Empè duai vegnir stritgada la taglia sin plivalur. La taglia sin l’energia duai esser uschè auta ch’i dat medem autas entradas sco ozendi cun la taglia sin la plivalur.

Artitgels legids il pli savens