Siglir tar il cuntegn

Header

video
In plaz per animals cun impediments
Or da RTR Social dals 22.06.2021.
laschar ir
cuntegn

In cor per animals In plaz per animals cun impediment

Ils giats èn animals da bellezza. Ma tge capita, sch’els han in impediment? Giats paralisads, tschorvs u incontinents han pauca schanza da chattar in dachasa. Hanni Kessler, oriundamain da Cuira, tgira exact tals animals ch’avessan uschiglio nagina schanza.

Lola, Pepi, Charly, Shaggy, Safira – quai èn inquals dals giats cun handicap che vivan sin il bain da Hanni Kessler in pèr tschients meter sur Bogn Ragaz. Enturn il bain datti gronds prads, uschia ch’ils animals pon giudair la saira da lur vita en pasch ed armonia.

Tschorv enfin paralisà

Tut en tut ha Hanni Kessler 20 giats, 8 chauns e 12 giaglinas. Tut ils giats ch’ella ha, vegnan da l’exteriur u èn vegnids chattads sin via. Blers dals giats han in impediment. Tranter auter ha ella sin ses bain in giat paralisà, dus giats tschorvs ed in giat cun ataxia. Tenor Hanni Kessler acceptian ils animals fitg bain in l’auter, uschia ch’i na dettia quasi mai charplinà tranter chauns e giats. Ella è sa decidida da be prender giats cun handicap, perquai che quels hajan pauca schanza da vegnir adoptads.

Organisaziun è essenziala

Far vacanzas cun uschè blers animals n’è betg pussaivel, dentant quai na disturba Hanni Kessler betg. Mintgadi èsi da pavlar ils animals duas giadas Il giat paralisà dovria dapli sustegn, tar quel saja da midar il sdratsch 4 giadas a di. Da vesair, co ch'ils animals sa fidian puspè dal carstgaun e mussian charezzia, saja bler meglier ch’ir en vacanzas.

RTR social

Artitgels legids il pli savens

Scrollar a sanestra Scrollar a dretga