Siglir tar il cuntegn

Header

In zic aua gida adina per sa frestgentar da la chaliras.
Legenda: In zic aua gida adina per sa frestgentar da la chaliras. Keystone
cuntegn

Svizra In fanadur da record - chaliras en il Grischun ed en Svizra

Il mais da fanadur vegn ad ir en l’istorgia da la meteorologia sco mais da record. En la media dals onns 1961 enfin 1990 era il fanadur en il nord da las Alps per 4,5 grads pli chaud, en il sid da las Alps per 5 grads pli chaud, scriva SRF Meteo.

Il termometer ha mussà ils 7 da fanadur a Genevra ina marca da record da 39,7 grads ed ha surpassa la veglia marca da 38,9 grads che datescha dal 1921 per bunamain in grad.

Suar era en il Grischun

Era en il Grischun è il fanadur stà extraordinari, uschè Gaudenz Flury dad SRF Meteo. Ellas bleras regiuns èsi numnadamain stà radund 4,5 grads pli chaud ch’èn la media. Ed er qua ha quai dà records, sco per exempel a Tavau cun 29,3 grads.

Sper quai hai era dà bler dapli dis da stad, pia dis cun temperaturas sur 25 grads, ed era dis da chalurs cun sur 30 grads. Il record dal fanadur 2015 hai dà a Cuira cun 37,2 grads.

Record da Grono resta

Quai na saja, tenor Gaudenz Flury, dentant betg da cumpareglià cun il record absolut en il Grischun. Il 2003 aveva il termometer mussà a Grono 41,5 grads, quai è dal reminent era il record absolut en Svizra.

RR novitads 12:00

Artitgels legids il pli savens

Scrollar a sanestra Scrollar a dretga