Siglir tar il cuntegn

Header

video
Papa Francestga a Genevra
Or da Telesguard dals 21.06.2018.
laschar ir. Durada: 4 minutas 30 Secundas.
cuntegn

Svizra In inscunter impressiunant

Era persunas dal Grischun han fatg il viadi enfin Genevra per prender part a la messa papala. Tranter ellas Silvia Casutt.

I saja ina pussaivladad unica da vesair papa Francestg, quai di Silvia Casutt ch'è en suprastanza dal Corpus catholicum dal Grischun. Perquai haja ella fatg gugent il viadi dal Grischun giu Genevra per prender part a la messa papala. I saja stà in'eveniment impressiunant. Gia las localitads e la massa da glieud hajan fatg impressiun. Ma er l'aura dal pontifex haja ella percurschì, malgrà la grondezza dall'occurenza. Las dimensiuns n'han dentant betg disturbà Silvia Casutt. Ins sappia gie gia avant che bun 40'000 cartentas e cartents s'inscuntrian.

En ses mintgadi less Silvia Casutt dal Corpus catholicum grischun prender a cor ils pleds dal predi da papa Francestg. Da star magari in zic pli modest.

Ina visita per unir

Cun sia visita tar il Cussegl ecumenic mundial a Genevra ha il papa Francestg accentuà la colliaziun da la baselgia roman-catolica cun l'unitad dals cristians.

Da la Svizra ha el pretendì da s'engaschar per schliaziuns en conflicts.

RR actualitad 07:00

Artitgels legids il pli savens