Facebook, Whatsapp, Twitter – i dat blers motivs per adina esser online. La retschertga represchentativa da Comparis mussa: Mintga terz Svizzer vuless bain gugent tschentar giu pli savens il telefonin per esser in mument offline – ma i na gartegia betg.
Il fenomen da consumar permanentamain e d'esser permanentamain online è dentant betg mo derasà tar ils giuvens – el sa tira tras tut las generaziuns e tut las regiuns linguisticas svizras.
Squitsch s'augmenta – Ins na vul manchentar nagut
Jean Claude Frick, expert da digitalisaziun da Comparis, punctuescha ch'il squitsch d'adina esser online saja s'augmentà ils ultims onns. Ins na veglia betg manchentar insatg: saja quai ils resultats da sport, e-mails u il nov che vegn tramess via social media.
In emprim pass per cuntanscher dapli libertad ed esser pli pauc online saja da deactivar la funcziun «breaking news», scriva l'expert.
RR novitads 12:00