Siglir tar il cuntegn

Header

Il faverer èn vegnidas inoltradas 2705 dumondas d'asil en Svizra.
Legenda: Il faverer èn vegnidas inoltradas 2705 dumondas d'asil en Svizra. Keystone
cuntegn

Svizra In quart damain dumondas d’asil

En Svizra è il dumber da las dumondas d’asil sa reducì il favrer per in quart cumpareglià cun il schaner. Tut en tut èn vegnidas inoltradas 2705 dumondas, communitgescha il secretariat statal per migraziun.

Gia il schaner era vegnì inoltrà damain dumondas. La raschun per questa reducziun sajan las temperaturas bassas. Sa reducidas sajan surtut las dumondas da burgais afgans e sirians. Tuttina resta l’Afghanistan (651 dumondas) e la Siria (244 dumondas) ils pajais cun las pli bleras dumondas d’asil.

Malgrà che damain requirents d'asil èn arrivads ils mais d'enviern en Svizra, restia la situaziun da fugitivs en l'Europa ed en Svizra er quest onn tendida. Quant precara che la situaziun è, mussan las cifras da l'onn passà. Tut en tut èn vegnidas inoltradas stgars 40'000 dumondas il 2014.

RR novitads 14:00

cdm/cs

Artitgels legì il pli savens

Nach links scrollen Nach rechts scrollen