Siglir tar il cuntegn
Inhalt

Svizra In terz pli pauc accidents grevs da töf ch'il 2007

Il dumber d’accidents da töf è ì enavos en il decurs dals davos diesch onns per radund in terz. Quai ha annunzià il Post da consultaziun svizzer per la prevenziun d’accidents BfU.

Töf cupitgà a l'ur d'ina via.
Legenda: Maletg simbolic: Ils ultims 10 onns è il dumber d'accidents grevs cun töf sa reducì per in terz en Svizra. Keystone

L’onn 2007 eran anc 82 persunas mortas tar accidents da töf, l’onn passà èn quai anc stadas 51 persunas. Plinavant cusseglia l’uffizi co ils töffists e las töffistas pon cumenzar a moda segira la stagiun da töf. Quai cun ina campagna ch’ha num «Staying Alive» – per rumantsch «Star en vita». Cussegls èn tranter auter: cumenzar la stagiun cun in stil da charrar defensiv, trenar al cumenzament da far correctamain las stortas u er da controllar il töf e l'equipament.

Rachsun principala – collisiuns

Raschun per accidents èn en 60% dals cas collisiuns. En la gronda part da quests cas n'è tenor il BfU betg il töffist la culpa, mabain l'auter manischunz. Tar la nova campagna sa participeschan uss er las uniuns svizras da scolasts d'ir cun auto e d'ir cun töf.

RR novitads 10:00